حروف مجدوبة

....الحكومة....

فين جريتوا بينا هاذ لبلاد
وذوقتوا شعبها محنة وعذاب...
مال ليصانص مع المازوط تكاد
والخبز علينا حرار و صعاب...
ما كاين غ زيد النار يا محماد
وبالغلا يخطط لينا ف كتاب...
ما خليتو الملحة ولوقيد بعاد
وزدتوا فالسلعة ودرتوا مشهاب....
فين غادين بينا  بهاذ لعناد
يا حكومة عجب العجاب...
ياك درناكم لينا وساد
وطمعتونا غير نهار انتخاب...
حسبناكم واعيين ومخاخ جداد
ودفنتوا حقوقنا تحت التراب..
فكروا واش ما عندكم أولاد
أو  حكرتوا الشعب وسديتوا الباب....
ريحة لفساد شموها قراب وبعاد
غ دخلتوا للحكومة وليتوا ذياب...

.......أحمد الناصري......